Friday, December 17, 2010

Christmas Card, Oh Christmas Card!


Teringat aku maya agi di sekula menya, tiap kali musim Krismas sigi sibuk begiga serta bebeli ke krismas kad. Ari segi kualiti pun manah agi enti di banding ke diatu. Ukai ga madah krismas kad diatu enda manah, tang suba empu jauh lebih manah ari ke di jual diatu.
Sekumbang dunia nyu mansang, jarang orang ka ngirum krismas kad, muntang agi enti nganjung MMS greeting, atau Sms ngagai bala kaban serta orang ke disayau. Enda kiroh bebeli ke setem meh, ni ke ngepos agi. Mayuh pengawa.
Taun tu aku nadai nerima mayoh Krismas kad baka taun ke udah. Rindu ga ati leboh nerima kad krismas.. Hujung minggu tu ka ngiga kad krismas di beri ngagai bala menyadi, anak menyadi, kaban,etc

Wednesday, December 15, 2010

Visitation to Miri Hospital on 12/12/2010

Udah abis enggau urang Youth mass pukul 12.30 tengahari, kami tiga menyanak makai dulu laban udah nya ka ke sepital ngabas uncle ku di admit since Friday evening. Maya di church bisi berandau enggau sister Annie ku alu madah ke enti kami menyanak ngabas apaibiak di sepital, iya mesan kami meli roti chap manok. Bendar aku mikir bakani roti chap manok , nasib hubby aku nemu. Nya pen bendar bepusin-pusin sebelah market lama ngiga roti chap manok. Aku baru perasan enda semesti shape manok, shape ikan , rabbit pun bisi. Haissss….kasih ga ngenang orang tuai tetenggok ka makai roti chap manok, bekarih ngiga sebelah kedai runcit.
Datai di sepital Wad 3, katil no. 26, sinu ati aku meda apaibiak aku ke sakit. Sakit urang tuai. Iya bisi 4 iko anak , semua lelaki magang. 3 iko anak lelaki iya bisi ngabas iya serta ngibun iya di sepital semina anak iya ke tuai aja enda ulih datai ngabas iya laban ke diau di Semenanjung din. Apaibiak aku tu menyadi apai aku. Sida apai aku bisi tiga iko diri menyadi, 2 lelaki, siko indu. Umur apaibiak nyu ka manggai 80. Apai aku udah 81 tahun, puji Tuhan laban apai aku gerai serta gayu. Ukai ga minta, the last time apai aku masuk sepital jam accident maya mumy ku ngandong ke aku. ( sometimes in 1966) Sinu aku ninga cerita mummy aku, madah ke iya sembiang minta Tuhan nyelamat ke apai aku enti enda anak di kandong iya ( which is me) nadai apai. Maya nya apai aku di tan ba sepital semak 3 bulan. Sedih…sedih!
Lama aku enda kala betemu enggau apaibiak aku taja pen sama diau di Miri. Nya meh aku alu madah ke diri sapa aku, laban iya nyu enda meda agi. Aku lalu madah agai Shasha, kasih aki ko aku. Alai aku mai iya sama ke sepital, aku ka iya bisi penyinu serta kasih ngagai orang tuai.












Pulai ari sepital, kami tiga menyanak lalu ngagai kawan hubby ( Mr Lau) aku di Pujut 4 laban ka nganjong Shasha belajar muzik. Kira ke intensive music course meh Shasha aku sepemanjai cuti semester tu. Nyadi iya di Uni din active enggau Christian activities. Nya meh kebuah iya ka belajar keyboard ngambi ke bisi lead orang belagu maya prayer meeting/fellowship.
Sementara Shasha sibuk belajar muzik enggau Melinda, anak kawan hubby ku nya, kami 4 melaki-bini berandau di dapur alu ngirup tea, redwine. Bisi mega roti kumpia ( famous ba Sibu) di bantai ke bini iya laban iya baru dah pulai enggau women retreat di Sibu. Active amat indu tu. Rindu ninga cerita iya serta sharing iya. Cerita punya cerita enda berasai jam nyu ka pukul 7.30pm alai kami menyanak alu mulai ke diri ingat ke gari bedau di buat. Shasha ku nyu penat meh jari bendar belajar ke kod. Sebedau pulai, sempat visit Mr Tan dulu alu tepeda ke utai di gantung depan pintu Mr Tan manah amat. Apa lagi alu di snep ku ngambi ke bisi di share enggau bala ibuk-ibuk bantes…..
















































Pulai ari sepital, kami tiga menyanak lalu ngagai kawan hubby aku di Pujut 4 laban ka nganjong Shasha belajar muzik. Kira ke intensive music course meh Shasha aku sepemanjai cuti semester tu. Nyadi iya di Uni din active enggau Christian activities. Nya meh kebuah iya ka belajar keyboard ngambi ke bisi lead orang belagu maya prayer meeting/fellowship.
Sementara Shasha sibuk belajar muzik enggau Melinda, anak kawan hubby ku nya, kami 4 melaki-bini berandau di dapur alu ngirup tea, redwine. Bisi mega roti kumpia ( famous ba Sibu) di bantai ke bini iya laban iya baru dah pulai enggau women retreat di Sibu. Active amat indu tu. Rindu ninga cerita iya serta sharing iya. Cerita punya cerita enda berasai jam nyu ka pukul 7.30pm alai kami menyanak alu mulai ke diri ingat ke gari bedau di buat. Shasha ku nyu penat meh jari bendar belajar ke kod. Sebedau pulai, sempat visit Mr Tan dulu alu tepeda ke utai di gantung depan pintu Mr Tan manah amat. Apa lagi alu di snep ku ngambi ke bisi di share enggau bala ibuk-ibuk bantes…..